រូបមន្ត XLOOKUP លើកម្មវិធី Excel ជារូបមន្តដ៏មានប្រយោជន៍មួយដែលប្រើប្រាស់ដើម្បីស្វែងរកតម្លៃនៅក្នុងលំដាប់ទិន្នន័យ (Range) និងបង្ហាញលទ្ធផលយោងតាមតម្លៃសម្រាប់ស្វែងរកនោះ។ រូបមន្តនេះថែមទាំងកម្រិតឱ្យបង្ហាញតម្លៃដូចទាំងស្រុង (exact match) ប្រហាក់ប្រហែល (wildcards) និងតម្លៃប្រយោល (regular expressions ហៅកាត់ regex) ស្វែងរកត្រឡប់ពីក្រោមឡើងទៅលើ (ច្រាស/បញ្ច្រាស) និងពិសេសជានេះ អាចរកតម្លៃពីលំដាប់ទិន្នន័យជួរឈរក៏បាន ជួរដេកក៏បាន។ ជារួមមក រូបមុន XLOOKUP បង្កើតមកជំនួសមុខងារដែលមានមុនៗ ដូចជា VLOOKUP, HLOOKUP, និង LOOKUP ផ្តល់ភាពងាយស្រួល និងបត់បែនកាន់តែច្រើន។
គោលដៅ
ដើម្បីស្វែករកតម្លៃពីលំដាប់ទិន្នន័យ
លទ្ធផល
បង្ហាញតម្លៃយោងតាមតម្លៃស្វែងរក
រូបមន្ត
=XLOOKUP(lookup,lookup_array,return_array,[if_not_found],[match_mode],[search_mode])
- lookup - តម្លៃសម្រាប់ស្វែងរក
- lookup_array - លំដាប់ទិន្នន័យសម្រាប់ការស្វែងរក
- return_array - លំដាក់ទិន្នន័យសម្រាប់លទ្ធផលយោងតាមតម្លៃសម្រាប់ស្វែងរក
- if_not_found - [មិនតម្រូវ] តម្លៃបង្ហាញចេញ ប្រសិនរកមិនឃើញតម្លៃត្រូវតាមលក្ខខណ្ឌ
- match_mode - [មិនតម្រូវ] 0 = ត្រូវលក្ខខណ្ឌប្រាកដ (លំនាំដើម), -1 = ត្រូវលក្ខខណ្ឌប្រាកដ ឬ តូចជាងបន្ទាប់, 1 = ត្រូវលក្ខខណ្ឌប្រាកដ ឬ ធំជាងបន្ទាប់, 2 = ប្រហាក់ប្រហែល, 3 = តម្លៃប្រយោល
- search_mode - [មិនតម្រូវ] 1 = ស្វែងរកពីលើចុះក្រោម (លំនាំដើម), -1 = ស្វែងរកត្រឡប់ពីក្រោមឡើងទៅលើ (ច្រាស/បញ្ច្រាស), 2 = ស្វែងរកតាមលំដាប់អក្ខរកក្រម, -2 = ស្វែងរកតាមលំដាប់អក្ខរកក្រមច្រាស
ការប្រើប្រាស់រូបមន្ត XLOOKUP
រូបមន្ត XLOOKUP ជាទំនើបកម្មនៃរូបមន្ត LOOKUP ទាំងអស់លើកម្មវិធី Excel (គិតត្រូវឆ្នាំ២០២៥)។ មុខងារនេះ អាចស្វែងរកតម្លៃពីលំដាប់ទិន្នន័យជួរឈរ ឬជួរដេក និងលំដាប់ទិន្នន័យមុខក្រោយបានទៀត។ ពិសេសជាងនេះ វាអាចបង្ហាញតម្លៃលើសពីមួយក្នុងពេលតែមួយ និងស្វែងរកបានលឿន ល្អសម្រាប់ការប្រើប្រាស់ក្នុងលំដាប់ទិន្នន័យច្រើនៗ។
មាតិការ
- ត្រូវលក្ខខណ្ឌប្រាកដ
- ប្រហាក់ប្រហែល
- តម្លៃច្រើន
ឧទាហរណ៍ទី១ៈ ត្រូវលក្ខខណ្ឌប្រាកដ
ដោយលំនាំដើម រូបមន្ត XLOOKUP ស្វែងរកទិន្នន័យត្រូវលក្ខខណ្ឌប្រាកដ។ ឧទាហរណ៍ខាងក្រោមនេះ រូបមន្ត XLOOKUP កំណត់ឱ្យស្វែងរកតម្លៃលក់ពី column E តាមលក្ខខណ្ឌចំណងជើងភាពយន្តនៅ column B ។ រូបមន្តដែលបានបញ្ចូលនៅក្នុង H5 គឺ៖
=XLOOKUP(H4,B5:B9,E5:E9)
ឧទាហរណ៍ទី២ៈ ប្រហាក់ប្រហែល
ដើម្បីអាចធ្វើឱ្យ XLOOKUP អាចរកតម្លៃប្រហាក់ប្រហែលបាន យើងត្រូវកំណត់ match_mode ក្នុងរូបមន្ត។ ក្នុងឧទាហរណ៍ខាងក្រោមនេះ យើងនឹងមករកភាគរយលក់បញ្ចុះតម្លៃតាមបរិមាណ ឬចំនួនទិញ។ រូបមន្ត F5 កំណត់ match_mode -1 ដើម្បីបង្ហាញតម្លៃតូចជាងបន្ទាប់។
=XLOOKUP(E5,B5:B9,C5:C9,,-1)
